Hjánám í støddfrøði
Fyri fyrstu ferð bjóðar Setrið út nám í støddfrøði. Í fyrsta umfari er talan um hjánám
Talan verður um eitt nám upp á 120 ECTS – harav 90 ECTS eru í støddfrøði og 30 ECTS eru í skeiðum, sum brúka støddfrøði. Studentar, ið hava staðið skeið, sum brúka støddfrøði, kunnu fáa hesi 30 ECTS góðskrivað.
Gunnar Restorff, útbúgvingarleiðari, sigur, at Setrið hevur hugsað um fleiri málbólkar, tá ið gjørt varð av at bjóða út hjánámið í støddfrøði.
– Eitt nú hava vit hugsað um tey, sum undirvísa á miðnámi, men ikki hava fullan, formligan undirvísingarførleika. Hesi kunnu søkja um at fáa støddfrøðiskeið góðskrivað, og gevur hjánámið teimum soleiðis ein møguleika at uppstiga teirra førleika, sigur útbúgvingarleiðarin.
Ein annar bólkur eru tey, sum taka ella hava tikið eitt høvuðsfak – antin á Setrinum ella uttanlands – sum kunnu taka hjánám í støddfrøði, so tey hava undirvísingarførleika í tveimum lærugreinum.
Tey, sum taka hjánám í støddfrøði, hava sjálvsagt eisini møguleika at lesa støddfrøði víðari aðrastaðni.
– Vit byrja við hjánámi, men tað er ikki óhugsandi, at støddfrøði eina ferð seinni verður bjóðað út sum samansett bachelor, sigur Gunnar Restorff, útbúgvingarleiðari.
Hjánámslestur – í hesum føri 120 ECTS – er ikki fulltíðarlestur, uttan so at annað nám verður lisið samstundis.
Les meira um hjánám í støddfrøði.
- 06.05.2024 Setrið Søgu- og samfelagsdeildinVæl staðin ph.d.-verja hjá Sigri M. GaïniSeinnapartin vardi Sigri M. Gaïni ph.d.-ritgerð sína, sum...
- 03.05.2024 Setrið LestrarskrivstovanOpið hús: Hvør útbúgving hóskar til tín?7. mai klokkan 16 verður opið hús í Kongshøll, har tínir...
- 03.05.2024 Setrið Søgu- og samfelagsdeildinSigri M. Gaïni verjir sína ph.d.6.mai klokkan 13.00 fer Sigri M. Gaïni at verja sína ph.d...