Frændafundir

Frændafundur er navnið á rannsóknarsamstarvi millum Fróðskaparsetur Føroya og Háskóla Íslands, sum rektaraavtala varð gjørd um í 1990. Triðja hvørt ár heldur samstarvið tvørfakliga ráðstevnu, aðra hvørja ferð í hvørjum landinum, og bók verður útgivin frá hvørjari ráðstevnu. Samstarvið er skipað við nevnd í báðum londunum.

Í íslendsku nevndini eru Ingi Sigurðsson (form.), Dagný Kristjánsdóttir, Magnús Snædal, Auður Hauksdóttir, Hjalti Hugason og María Garðarsdóttir.

Í føroysku nevndini sita Turið Sigurðardóttir (form.), Anfinnur Johansen, Malan Marnersdóttir, Jonhard Mikkelsen, Lena Reinert og Jóhan Hendrik W. Poulsen.