Lestrarupptøka

Á Fróðskaparsetrinum verða nýggj lesandi tikin inn at lesa bachelorlestur á Námsvísindadeildini, Sjúkrarøktarfrøðideildini, Søgu- og Samfelagsdeildini og á Føroyamálsdeildini á hvørjum ári. Á Náttúruvísindadeildini verður í ár tikið upp til nýggja útbúgving kallað "Orku- og umhvørvisverkfrøði". Sostatt er í 2013 møguleiki at søkja inn á minst 7 ymiskar útbúgvingar á Setrinum. Hesar verða lýstar niðanfyri.

• Orku- og umhvørvisverkfrøði
• Lærari
• Námsfrøði
• Sjúkrarøktarfrøði
• Sosialvísindi og samfelagsplanlegging
• Politikkur og umsiting
• Søga
• Føroyskt

Master

• Føroyskt
• MA-útbúgving í vegleiðing (her finnur tú eisini umsóknarblaðið)
• MA-útbúgving í løgfrøði (her finnur tú eisini umsóknarblaðið)

• Umsóknarfreistin at søkja inn eftir kvotu 2 er 15. mars 2013 á midnátt.
• Umsóknarfreistin at søkja inn eftir kvotu 1 er 1. juli 2013 á midnátt.

Boð um upptøku verða (fyri bæði kvotu 1 og 2) send í seinasta lagi mánadagin 15. juli 2013. Váttan fyri, at umsøkjari tekur við lestrarplássinum, skal vera móttikin í seinasta lagi mánadagin 5. august 2013.

Eftir ætlan byrja lesandi á Setrinum 2013 soleiðis:

• Námsvísindadeildini mánadagin 19. august
• Sjúkrarøktarfrøðideildini mánadagin 26. august 
• Søgu- og samfelagsdeildini mánadagin 2. september
• Føroyamálsdeildini mánadagin 2. september
• Náttúruvísindadeildini mánadagin 26. august

Her er møguligt at taka niður umsóknarblað til upptøku 2013. Eisini er løgd út ein leiðbeining til umsóknarblaðið. Les leiðbeiningina væl, áðrenn tú fyllir umsóknarblaðið út.

• Tak niður umsóknarblað (kvota 1) 2013
• Tak niður leiðbeining til umsóknarblað (kvota 1) 2013

Umsóknir kunnu eisini sendast við telduposti til lestur(at)setur.fo

Sí annars nærri kunning á umsóknarblaðnum.

Kvota 1:
Upptøkutreytin til bachelorútbúgving á Fróðskaparsetrinum er bókligt (t.e. gymnasialt) miðnámsprógv. Harumframt eru fylgjandi krøv til hesa lærugrein:

• Føroyskt: Bókligt miðnámsprógv við 8 í próvtali í føroyskum.

Kvota 2:
Um miðaltalið í gymnasiala miðnámspróvnum ikki er nóg gott, ella tú hevur annað javngott prógv á sama stigi ella hægri, søkir tú inn eftir kvotu 2. Her verða eisini aðrir førleikar enn gymnasialt miðnámsskúlaprógv tiknir við í metingina, sí punkt 2 í vegleiðingini. Umsøkjarin fyllir tá eisini síðu 2 og 3 út, punktini 5 til og við 11.

Hevur ein umsøkjari ikki føroyskt á miðnámsskúlastigi, verður søkt inn eftir kvotu 2. Hesir umsøkjarar skulu so upp til eina málsroynd og eftirfylgjandi samrøðu. Nærri boð verða givin um hesar royndir.

Hevur ein kvotu 2-umsøkjari nóg gott gymnasialt miðnámsskúlaprógv til at verða upptikin eftir kvotu 1, verður umsóknin flutt yvir til metingar eftir kvotu 1 fyri upptøku í 2013 (her er umsóknarfreistin 1. juli 2013).

Upp til 20% av teimum lesandi verða tikin inn eftir kvotu 2-skipanini.