Vitan er pallurin - forvitni er drívmegin
SitemapRSS

Námsfrøðilig leiðsla góð, men vantar yvirskipaðan leist

Støðan innan námsfrøðiliga leiðslu hjá føroyskum skúlaleiðarum er góð, men vantar ein yvirskipaðan leist.
Jóhannes Miðskarð hevur kannað námsfrøðiliga leiðslu í føroyskum fólkaskúlum (NLFF)Jóhannes Miðskarð hevur kannað námsfrøðiliga leiðslu í føroyskum fólkaskúlum (NLFF)

Í einari nýggjari granskingarverkætlan hevur Jóhannes Miðskarð, ph.d. og adjunktur í leiðslu á barna-, ungdóms- og serstovnaøkinum, kannað námsfrøðiligu leiðsluna hjá føroyskum skúlaleiðarum.

Námsfrøðilig leiðsla er nakað annað enn - men tó samantvinnað við - starvsfólkaleiðslu, strategiskari leiðslu og fyrisitingarligari leiðslu. Í námsfrøðiligari leiðslu eru tvey høvuðsvirksemi: leiðsla av læraranna undirvísing og menning av organisatoriskum strukturum, sum menna læraranna undirvísing.

Í granskingarverkætlanini varð kannað, bæði hvussu skúlaleiðararnir fataðu teirra egnu námsfrøðiligu leiðslu, og hvussu lærararnir fataðu námsfrøðiligu leiðslu skúlaleiðaranna. Hetta var gjørt á fýra ymiskum skúlum í Føroyum.

Kanningin staðfesti, at hesir føroysku skúlaleiðararnir á ein dygdargóðan hátt útinna nógv virksemi, sum kunnu sigast at verða námsfrøðilig leiðsluvirksemi. Hetta skal eisini síggjast í ljósinum av, at skúlaleiðarar í Føroyum, inntil víðari, ikki hava fingið nakra beinleiðis eftirútbúgving í at leiða undirvísingina hjá lærarum.

Men kanningin staðfesti eisini, at hesir føroysku skúlaleiðararnir vanta ein yvirskipaðan leist, sum samansjóðar teirra námsfrøðiliga leiðsluvirksemi.

Úrtøkan av granskingarverkætlanini er ein vísindalig grein, ið er send til javnlíkametan hjá einum altjóða tíðarriti innan skúlaleiðslu. Harumframt eru fýra aðrar greinar, ið verða lagdar á heimasíðuna hjá Skúlablaðnum.

Samband:
Jóhannes Miðskarð, johannesm(at)setur.fo, tlf. 299426

Seinastu tiðindi

24.01.2017
VITSKA: Too Good To Go – minka um matoyðsl
Í kvøld, týskvøldið 24. januar kl. 19:30, halda vinnararnir av Umhvørvisviðursløn Norðurlandsráðsins...
23.01.2017
Stakgreinalestur á Setrinum
Nú ber til at søkja um upptøku í stakgreinalestri á Setrinum
23.01.2017
Professari í orkuverkfrøði
Nýsetti Hans Georg Beyer hevur drúgvar fakligar royndir úr fleiri londum
16.01.2017
MA-fyrilestur á Føroyamálsdeildini
Fríggjadagin 20. januar kl. 14 heldur Lydia Didriksen MA-fyrilestur í Loftsstovuni á...
13.01.2017
Firouz Gaini hevur grein í nýggjastu útgávuni av 'Electronic Journal of Contemporary Japanese Studies' (ejcjs).
Greinin hevur heitið 'Contemporary Realities and Future Dreams of Oki Islands Youth'. Greinin viðger...
Fleiri tíðindi...
Vísir 1 til 10 av 1671
Samband
Fróðskaparsetur Føroya
J.C. Svabos gøta 14
FO-100 Tórshavn
Tel.: +298 352500
Faks: +298 352501
setur(at)setur.fo
CMS::TypoConsult