Vitan er pallurin - forvitni er drívmegin
SitemapRSS

Námsvísindadeildin handað Tórshavnar kommunu kanning um teldlanýtslu í fólkaskúlanum

Námsvísindadeildin hevur í samstarvi við Tórshavnar Kommunu gjørt stóra kanning av teldla- og aðrari tøkninýtslu í trimum skúlum í Føroyum, tveimum í Tórshavn, har annar skúlin hevur givið næmingum teldlar og einum á bygd, har næmingarnir eisini hava teldlar.
Granskararnir á NÁD, Vár í Ólavsstovu og Erla Olsen, handa forkvinnuni í Mentanevnd Tórshavnar býráðs, Helenu Dam á Neystabø, frágreiðingina “Teldlanýtsla í fólkaskúlanum – ein eftirmeting”Granskararnir á NÁD, Vár í Ólavsstovu og Erla Olsen, handa forkvinnuni í Mentanevnd Tórshavnar býráðs, Helenu Dam á Neystabø, frágreiðingina “Teldlanýtsla í fólkaskúlanum – ein eftirmeting”

Í sambandi við, at Tórshavnar kommuna skuldi lata einum skúla teldlar, tí hann skuldi leggjast saman við øðrum skúla, har næmingarnir høvdu teldlar, vórðu granskarar á NÁD spurdir til ráðs og bidnir um at gera eftirmeting av, hvussu og í hvønn mun teldlarnir vórðu brúktir, og hvørja ávirkan tað hevði á læring næminganna.

Væl grundað spurnablað
Stórt talgilt spurnablað varð gjørt, sum bæði bygdi á OECD frágreiðing frá 2015 um teldunýtslu og stóra spurnakanning, sum granskarar á NÁD í samstarvi við Háskóla Islands gjørdu í 2012/13 millum allar næmingar í Føroyum av starvshættum og hugburði til ymsu lærugreinarnar í fólkaskúlanum. Aðrar granskingarverkætlanir lógu eisini til grund fyri sniðgávuni av spurnablaðnum.

Nýtsla, hugburður og úrtøka hjá næmingum
Í høvuðsheitum varð spurt um nýtslu av teimum talgildu amboðunum, sum skúlin letur næmingunum ella hevur til taks í undirvísingini, síðani varð spurt um amboð næmingarnir sjálvir áttu ella høvdu atgongd til heima. Hugt varð eisini at, hvønn hugburð næmingarnir høvdu til nýtslu av talgildari tøkni við serligum denti á teldlanýtslu, og hvørja ávirkan talgilda tøknin og teldlarnir hava á fakligu úrtøkuna.

Ávirkanin á undirvísingina - og førleikar hjá lærarum
Lærararnir í tveimum skúlum vórðu spurdir. Teir spurningarnir snúðu seg mest um arbeiðshættir og í hvønn mun talgilda tøknin setir sín dám á undirvísingina, eisini varð spurt um hugburð til talgildu tøknina, serliga teldlar og í hvønn mun hesir verða nýttir í undirvísingini. Somuleiðis varð spurt um, hvussu lærararnir føldu seg fyrireikaðar til at brúka talgilda tøkni og Ipaddar í undirvísingini, og hvussu teir halda seg vera førar fyri at brúka talgildu amboðini.

Almenn framløga 15. desember
Fyribils frágreiðing varð handað Mentanevnd býráðsins 24. okt. Frágreiðingin er nú farin til prentingar. Framløga verður av niðurstøðunum av kanningini 15. des. kl. 15.00 á Námsvísindadeildini á Frælsinum. Skúlarnir, sum hava luttikið í kanningini, verða bodnir við til framløguna, sum er almenn.

Samband
Vár í Ólavsstovu

Seinastu tiðindi

24.01.2017
VITSKA: Too Good To Go – minka um matoyðsl
Í kvøld, týskvøldið 24. januar kl. 19:30, halda vinnararnir av Umhvørvisviðursløn Norðurlandsráðsins...
23.01.2017
Stakgreinalestur á Setrinum
Nú ber til at søkja um upptøku í stakgreinalestri á Setrinum
23.01.2017
Professari í orkuverkfrøði
Nýsetti Hans Georg Beyer hevur drúgvar fakligar royndir úr fleiri londum
16.01.2017
MA-fyrilestur á Føroyamálsdeildini
Fríggjadagin 20. januar kl. 14 heldur Lydia Didriksen MA-fyrilestur í Loftsstovuni á...
13.01.2017
Firouz Gaini hevur grein í nýggjastu útgávuni av 'Electronic Journal of Contemporary Japanese Studies' (ejcjs).
Greinin hevur heitið 'Contemporary Realities and Future Dreams of Oki Islands Youth'. Greinin viðger...
Fleiri tíðindi...
Vísir 1 til 10 av 1671
Samband
Fróðskaparsetur Føroya
J.C. Svabos gøta 14
FO-100 Tórshavn
Tel.: +298 352500
Faks: +298 352501
setur(at)setur.fo
CMS::TypoConsult