Lestrarupptøka

Á Fróðskaparsetrinum verða nýggj lesandi tikin inn at lesa bachelorlestur á Læraraskúlanum, Sjúkrarøktarfrøðiskúlanum og á  Søgu- og Samfelagsdeildini á hvørjum ári. Í ár, í 2012, verður eisini tikið upp til bachelorlestur á Náttúruvísindadeildini og bæði til hjánám í føroyskum og  BA-lestur í føroyskum á Føroyamálsdeildini. Sostatt er í ár møguleiki at søkja inn á 10 ymiskar útbúgvingar á Setrinum. Hesar verða lýstar niðanfyri.

Bachelor

• Lívfrøði
• Náttúruvísind - við denti á havfrøði
• Náttúruvísind - við denti á jarðfrøði
  
• KT-verkfrøði
• Lærari
• Námsfrøði
• Sjúkrarøktarfrøði
• Samfelagsvísindi
• Søga
• Føroyskt

Master

• Føroyskt

Umsóknarfreistin er 2. juli 2012 á miðnátt. Boð um upptøku verða send í seinasta lagi hósdagin 12. juli 2012. Váttan fyri, at umsøkjari tekur við lestrarplássinum, skal vera móttikin í seinasta lagi mánadagin 6. august 2012.

Eftir ætlan byrja lesandi á Setrinum 2012 soleiðis:

• Læraraskúlanum mánadagin 20. august
• Náttúruvísindadeildini mánadagin 20. august
• Sjúkrarøktarfrøðiskúlanum mánadagin 27. august 
• Søgu- og samfelagsdeildini um mánaðarskifti august/september
• Føroyamálsdeildini mánadagin 3. september

Her er møguligt at taka niður umsóknarblað til upptøku 2012. Eisini er løgd út ein leiðbeining til umsóknarblaðið. Les leiðbeiningina væl, áðrenn tú fyllir umsóknarblaðið út.

• Tak niður umsóknarblað 2012
• Tak niður leiðbeining til umsóknarblað 2012
• Ansøgningsskema 2012

Umsóknir kunnu eisini sendast við telduposti til lestur(at)setur.fo

Sí annars nærri kunning á umsóknarblaðnum.

Kvota 1:
Upptøkutreytin fyri upptøku bachelorútbúgving á Fróðskaparsetrinum eftir kvotu 1 skipanini er, at umsøkjari hevur bókligt (t.e. gymnasialt) miðnámsprógv. Harumframt eru fylgjandi krøv til hesar lærugreinir:

• Lívfrøði: staðið prógv í alisfrøði á B stigi, støddfrøði á B stigi og evnafrøði á B stigi - sí eisini nærri treytir undir leinkju.
• Náttúruvísind við denti á jarð- ella havfrøði: staðið evnafrøði á B stigi ella evnafrøði á C stigi og lívfrøði á A stigi við miðaltølunum ávikavist 8 og 6 eftir 13-stiganum  - sí eisini nærri treytirundir leinkju
• KT-verkfrøði: Støddfrøði B - sí eisini nærri treytir undir leinkju.
• Føroyskt: góður karakterur í føroyskum á A stigi. Harumframt krevst B stig í donskum og enskum.

Kvota 2:
Um miðaltalið í miðnámsprógvnum ikki er nóg gott, ella tú hevur annað javngott prógv á sama støði, ber til at søkja inn eftir kvotu 2. Her verða eisini aðrir førleikar enn miðnámsskúlaprógv tiknir við í metingina, sí punkt 2 í vegleiðingini. Umsøkjarin fyllir tá eisini síðu 2 og 3 út, punktini 5 til og við 11. Upp til 20% av teimum lesandi verða tikin inn eftir kvotu 2 skipanini.