Tað er skjótt og lætt at senda okkum tína umsókn. Á hesari síðuni sært tú alt um, hvussu tú søkir.
Granskingin á Fróðskaparsetri Føroya hevur til endamáls alsamt at menna vitanarstøðið á Setrinum og í landinum sum heild. Hetta verður gjørt á so nógvum økjum sum tað fakliga og fíggjarliga letur seg gera í samanrenning við áhugamál landsins, tá talan er um vitanarmenning og nýskapan.
Endamálið er í einum at menna granskingina og dygdina í undirvísingini, umframt at skapa karmar um nýskapandi undirvísing og útbúgving á Fróðskaparsetrinum. Les meira.
Fróðskaparsetrið hevur umframt síni egnu starvsfólk brúk fyri tænastum og stuðli frá eini røð av stovnum og einstakligum, bæði í Føroyum og altjóða, hetta fyri at kunna liva upp til endamál sítt at undirvísa, granska og kunna um virksemið sítt á hægsta altjóða stigi.
Fyri at tú kanst fáa eina so góða byrjan á lestrinum sum møguligt, hava vit savnað nøkur góð ráð um at vera lesandi á einum hægri lærustovni, um viðurskifti viðvíkjandi lestri, próvtøkum og skiftislestri o.m.a.
Harumframt eru ymsar upplýsingar um stuðulstænastur og stuðulsamboð, ið eru til taks á Fróðskaparsetrinum.
Á Fróðskaparsetri Føroya eru fimm deildir, har næstan 1000 lesandi nema sær hægri útbúgving, og har granskað verður. Harumframt er meginfyrisitingin, Setursskrivstovan, sum eisini fevnir um Lestrarskrivstovu.
