Fróðskapur er bókaforlag, ið Føroya Fróðskaparfelag og Fróðskaparsetur Føroya eiga í felag. 

Forlagið gevur í meðal 5 bøkur út árliga í prentaðari útgávu.

Fróðskapur varð stovnað sum smápartafelag á heysti 2005 og tók tá yvir bókaútgávuvirksemið, sum áhugafelagið Føroya Fróðskaparfelag hevði rikið síðan 1952.

Fróðskapur heldur fram at geva út tær tríggjar bókarøðirnar, sum Fróðskaparfelagið byrjaði.

-Supplementum
-Fróðskaparrit
-Onnur Rit

Útgávuyvirlit er at finna á undirsíðunum á vinstra bredda,

Allar útgávur forlagsins eru eisini at finna á ojs.setur.fo. Her finnast allar greinar í Fróðskaparritum talgilt og gott 60 av bókunum eisini. Miðjað verður eftir at fáa allar bøkurnar, sum eru eldri enn 2 ár, út talgilt.Hesar verða lagdar afturat, so hvørt tær eru tøkar.