![](https://setur.cdn.fo/savn/4574/csm_oell_49f735539f.jpg?width=624&height=350&rmode=crop&s=K78c3J7GJU5EjOnFjkV0YkemcrQ)
162 prógv handað á hátíðarhaldi
Innan trý útbúgvingarøki vórðu prógv handað fyri fyrstu ferð
Fríggjadagin var sannur hátíðardagur á Setrinum – hann varð hildin í Norðurlandahúsinum, ið var karmur um árligu prógvhandanina. 165 prógv vórðu handað lesandi av rektaranum, Sigurði í Jákupsstovu: 148 bachelorprógv, 13 masterprógv og 4 hjánámsprógv.
Talan var um 40 lærarar, 35 námsfrøðingar, 17 sjúkrarøktarfrøðingar + 43 sjúkrarøktarfrøðingar, ergoterapeutar og fysioterapeutar, ið hava tikið ískoytisprógv í sjúkrarøktarfrøði á bachelorstigi, 13 frá Søgu- og samfelagsdeildini, 3 frá Føroyamálsdeildini og 8 frá Náttúruvísindadeildini. Fyri fyrstu ferð varð prógv handað fyri lokna útbúgving innan West Nordic Studies, innan masterlæruna á Søgu- og samfelagsdeildini og innan vegleiðing.
Umframt hesi, so vóru 13, ið høvdu lokið prógv síðani prógvhandanina fyri ári síðani, og tey vórðu eisini hátíðarhildin hendan dagin. Niðanfyri er yvirlit yvir tey, ið hava tikið prógv síðani prógvhandina fyri einum ári síðani. Tølini í klombrum eru tey, ið hava tikið prógv áðrenn prógvhandina hesa ferð. Ískoytisútbúgvingin í sjúkrarøktarfrøði er eitt árs útbúgving, ið gevur bachelorprógv til tey, ið hava prógv sum sjúkrarøktarfrøðingar eftir gomlu útbúgvingini.
Sigurð í Jákupsstovu, rektari, helt røðu vegna Fróðskaparsetur Føroya, Bergur Arnbjarnarsonur Dalsgarð helt røðu vegna tey lesandi, og Jóhanna á Bergi var gestarøðari. Bólkurin Jasmin stóð fyri tónleikinum.
BACHELOR
Føroyskt 2
KT-verkfrøði 2
Lívfrøði 5
Lærari 40
Námsfrøði 34
Sjúkrarøktarfrøði 17
Søga 1
Politikkur og umsiting 2
Sosialvísindi og samfelagsplanlegging 2
Hjánám í føroyskum 1 (3)
Ískoytisútbúgving sjúkrarøktarfrøði 43
MASTER
Løgfrøði 5 (2)
Føroyskt (2)
Vegleiðing 2
Meistaralæra - Sosialvísindi og samfelagsplanlegging 1
West Nordic Studies 1
Masterskeið gudfrøði (5)
![](/fileadmin/user_upload/20170623_103009.jpg)
![](/fileadmin/_processed_/6/5/csm_A50K5067_5954801b29.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...