![](https://setur.cdn.fo/savn/4377/csm_summer_school_nordic_aa41e228aa.jpg?width=624&height=350&rmode=crop&s=05v0Hv3z3xPIClO7Q5F3YdSFdlo)
22 norðurlendingar á skeiði í føroyskum
Undirvísing, venjingar, fyrilestrar og útferðir eru á skránni, tær tríggjar vikurnar, summarskeiðið varir
22 norðurlendingar – seks menn og 16 kvinnur úr Noregi, Svøríki, Danmark og Finnlandi – eru í hesum døgum á einum av afturvendandi summarskeiðunum í føroyskum á Føroyamálsdeildini. Studentarnir eru skift í tveir flokkar, alt eftir fortreytum tey hava í mállæru og føroyskum.
Hvør flokkurin hevur sín lærara, og fyrrapartar er floksundirvísing í føroyskum. Seinnapartar eru venjingar ymiskum slagi, eitt nú samrøðu- og mállæruvenjingar.
Umframt floksundirvísingina so eru eisini felags fyrilestrar um føroyskt mál og føroyska málsøgu, eitt nú sum tátt í tjóðskaparrørsluni.
Útlendsku gestirnir fáa eisini høvi at koma út um skúlagátt. Í dag hevur hópurin verið og hugt at gomlu Havnini, og í morgin verður farið útferð undir Vestmannabjørgini, seinni verður dagsferð gjørd til Tjørnuvíkar og til Gjáar.
Skeiðið, sum fyri stóran part verður fíggjað av norðurlendska ráðharraráðnum, varir tríggjar vikur og endar við próvtøku 25. juni.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...