275 umsøkjarar fingið bjóðað lestrarpláss

Freistin at taka av lestrarplássinum er 1. august á midnátt.

Setrið hevur nú viðgjørt tær 353 umsóknirnar um lestrarpláss, sum komu inn í ár. Í dag, mikudagin 19. juli, hava allir umsøkjarar fingið boð umvegis t-post.

Av teimum 353 umsøkjarunum fáa 275 at vita, at teimum stendur í boði at fáa eitt lestrarpláss: 230 á einari av bachelorútbúgvingunum, 14 á einum av hjánámunum og 31 á einari av masterútbúgvingunum. Í fjør fingu 409 tilboð um lestrarpláss.

Tey 81, sum ikki hava fingið tilboð um lestrarpláss, fáa eisini boð umvegis t-post: Summi við fráboðan um, at umsóknin ikki er gingin á møti, onnur við fráboðan um, at tey standa á bíðilista.

Tey, sum fáa boðið lestrarpláss, skulu vátta, um tey taka av ella ikki. Seinasta freist at boða frá er 1. august á midnátt.

.