353 umsóknir til hægri lestur á Setrinum í 2017

Samlaða talið av umsóknum til hægri lestur á Fróðskaparsetri Føroya í 2017 er 353.

Eins og undanfarin ár eru tað útbúgvingarnar í sjúkrarøktarfrøði, læaraútbúgvingin og námsfrøðin, ið eru tær best umtóktu.

Í ár bjóðar Setrið út bachelorútbúgving í orkuvísindum og orkuvísindum og støddfrøði á fyrsta sinni, meðan bachelorútbúgvingin í búskaparfrøði og hjánám í støddfrøði verða boðin út á øðrum ári.

Talið av umsóknum slóð øll met í 2016, tá heili 563 søktu um upptøku. Í ár er talið av umsóknum nakað væl lægri, og ein av orsøkunum er, at fleiri av útbúgvingunum, ið vóru sera vælumtóktar í 2016, ikki verða bjóðaðar út í ár. Talan er um bachelorútbúgvingarnar í KT-verkfrøði og í lívfrøði, umframt masterútbúgving innan fólkaheilsu. Harumframt vóru fleiri umsóknir til nýggju útbúgvingarnar í búskaparfrøði og til hjánám í støddfrøði enn tað eru í  ár.

Fyrisitingin viðgerð í løtuni allar innkomnu umsóknirnar, og fáa allir umsøkjarar svar umvegis t-post mikudagin 19. juli.

Býtið millum útbúgvingarnar, sett upp eftir vali sum fyrsta raðfesting, gjørdist soleiðis:

Kynsbýtið millum umsøkjararnar til bachelorútbúgvingarnar umframt hjánám er 26% menn og 74% kvinnur, sum er 81 menn og 236 kvinnur. Av hesum hava tilsamans 205 søkt umvegis kvotu 1 og 111 umvegis kvotu 2.
Upp til 30% verða tikin inn eftir kvotu 2.

Kynsbýtið millum umsøkjararnar til masterumsóknirnar er 40,5% menn og 59,5% kvinnur, sum er 15 menn og 22 kvinnur. Av hesum hava tilsamans 205 søkt umvegis kvotu 1 og 111 umvegis kvotu 2.

Tølini skulu takast við einum ávísum fyrivarni.