![](https://setur.cdn.fo/savn/4307/csm_johannis_danielsen_460f743655.jpg?width=624&height=350&rmode=crop&s=PxyBEe-zN0Gqg1T1WGuzLL0sDqY)
Adjunktur í lívfrøði settur á Náttúruvísindadeildini
Jóhannis Danielsen er settur í starv sum adjunktur í lívfrøði frá 1. februar 2016.
Jóhannis Danielsen er settur í starv sum adjunktur í lívfrøði frá 1. februar 2016. Hann hevur bachelorútbúgving frá Fróðskaparsetrinum í 2000, masterútbúgving frá Lunds Universiteti í 2001, lisentiat-útbúgving frá Lunds Universiteti í 2009 og ph.d.-útbúgving frá Lunds Universiteti í 2011. Heiti á ph.d.-ritgerðini var “Nest-site attendance and foraging ecology of the Northern Fulmar (Fulmarus glacialis) on the Faroe Islands” við undirheitinum “Is the Northern Fulmar a useful indicator of ecosystem productivity and pollution?”
Jóhannis hevur royndir við undirvísing og vegleiðing av lesandi á bachelor- og masterstigi á Lunds Universiteti og á bachelorstigi á Náttúruvísindadeildini. Hann hevur fjøltáttað áhugamál í lívfrøðiligari gransking. Serstakan áhuga hevur hann fyri vistfrøði hjá sjófugli og ferðing teirra. Hann er m.a. við í stóru altjóða verkætlanini SEATRACK, ið granskar, hvussu fuglur flytur seg millum lond. Her luttaka Ísland, Grønland, Føroyar, Bretland, Noreg og Russland. Jóhannis samstarvar í síni gransking við granskarar bæði í Føroyum og uttanlands, m.a. við granskarar á Oxford Universiteti, Lunds Universiteti og Keypmannahavnar Universiteti.
Vit ynskja Jóhannis hjartaliga til lukku við starvinum, og vit gleða okkum til at fáa hann í starvsfólkaliðið.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...