Áhugaverd greinaskriving um heilsuátøk
Nú hevur seinasta greinin hjá teimum lesandi á 9. eind á Sjúkrarøktarfrøðideildini verið í Vikuskiftisblaðnum.
Sum partur av sjúkrarøktarfrøðiútbúgvingini á Sjúkrarøktardeildini á Fróðskaparsetri Føroya verður skrivað grein um heilsuframa og fyribyrging. Tey lesandi eru tá komin um hálva leið í útbúgvingini, eisini kallað eind 9, hvørs endamál er, at tann lesandi:
- skilir, hvønn týdning sjúkrarøkt hevur í samband við fyribyrgjandi og heilsufremjandi tiltøk og ætlanir í heilsuverkinum og í samfelagnum
- fær innlit í, hvønn leiklut sjúkrarøktarfrøðingurin hevur í samfelagsligum høpi viðvíkjandi heilsufremjing og fyribyrging
- mennir førleika til at kunna greina og miðla sjúkrarøktarfakligar spurdómar í samfelagsligum og mentanarligum høpi.
Tí hava tey fingið undirvísing í eitt nú fólkaheilsuvísindum, samfelagsfrøði, mannfrøði og námsfrøði, har tey viðgera sjúkrarøktarfakliga spurdómar um heilsuframa og/ella fyribyrging í samfelagsligum høpi.
Talan eru um evni sum: sosialur ójavni, sosialur arvur, motivatión, heilsukampagnur, farsóttarfrøði, fólkaheilsu, arbeiðisumhvørvi og strongd og so um greinaskriving. Hesar greinar eru eisini próvtøkuuppgávur.
Tey lesandi hava arbeitt í bólkum við fylgjandi evnum:
- Svøvnur
- Prostatakrabbi
- Vetrartunglyndi
- Eldri og rørsla
- D-vitaminir
- Sálarlig heilsa
- HPV-vaksinan
Niðanfyri er leinki til heimasíðuna, har tær greinar, sum hava staðið í Vikuskiftisblaðnum hjá Sosialinum, eru at finna.
Greinar um heilsuframa og fyribyrging
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...