Almenn innbjóðing: Rektaraskifti á Setrinum

Á nýggjárinum verður vaktarskifti á rektaragongini á Fróðskaparsetri Føroya, tá Chik Collins leggur frá sær, og Martin Zachariasen tekur við

Í tí sambandi verður almenn hátíðarløta í Kongshøll á Vestaru bryggju í Havn týsdagin 13. desember klokkan 15.

Tá fara vit at takka Chik Collins fyri tað stóra íkastið, sum hann hevur givið Setrinum, síðani hann tók við á heysti 2019, og bjóða Martini Zachariasen vælkomnum.

Røður verða hildnar og okkurt gott verður at fáa.

Øll eru hjartaliga vælkomin.

Fróðskaparsetur Føroya