![](https://setur.cdn.fo/savn/3683/fraflyt_01.jpg?width=624&height=350&rmode=crop&s=UKIKY3HzsmYNi3S7R9_P5gZzhp8)
Almennur pallborðsfundur um fólkaflyting og fólkavøkstur
Týskvøldið 9.apríl kl. 19 verður skipað fyri almennum pallborðsfundi um fólkaflyting og fólkavøkstur í Norðurlandahúsinum.
Føroyar hava eina stóra avbjóðing við minkandi fólkatali og vantandi tilflyting. Í heyst setti landsstýrið ein arbeiðsbólk at gera eina heildarætlan fyri, hvussu vit steðga fólkafráflyting og skapa fólkavøkstur.
Í samband við, at heildarætlanin er liðug og er handað landsstýrinum verður skipað fyri almennum pallborðsfundi um fólkavøkstur í Norðurlandahúsinum týskvøldið 9. apríl kl. 19-21.
Á tiltakinum fer arbeiðsbólkurin, sum hevur gjørt heildarætlanina at hava framløgu og Annleyg Lamhauge fer at greiða frá kanningini, sum Fólkaheilsuráðið hevur gjørt av trivnaðinum millum føroyingar.
Í pallborðinum sita formenninir í politisku flokkunum, og áhoyrararnir fáa høvi at seta spurningar.
Evnini pallborðið fer at kjakast um eru m.a.:
- Hvussu fáa vit fleiri at taka útbúgving í Føroyum?
- Hvat kann gerast fyri at betra um lívskorini í Føroyum?
- Hvussu styrkja vit tilknýtið til okkara útisetar?
- Og hvat ætlar politiska skipanin at gera fyri at venda gongdini?
Orðstýrari verður Jón Brian Hvidtfeldt.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...