![](https://setur.cdn.fo/savn/3381/filmsupptoka.jpg?width=624&height=350&rmode=crop&s=avJ7pHuRufJzgW78Z1edxhAf1Gw)
11.02.2012
Skriva út
Anton Petersen fær gávugóðs úr Grunni Thorvalds Poulsen av Steinum 2012
Anton Petersen, filmsleikstjóri, fær góðugóðs úr Grunni Thorvalds Poulsen av Steinum fyri 2012. Gávugóðsið er 60.000 krónur.
Mentamálaráðharrin, Bjørn Kalsø, handar unga evnaríka filmsleikstjóranum góðugóðsið á hátíðarhaldi sunnudagin 12. februar klokkan 15 í Østrøms fabrikk á Skálatrøð. Gávugóðsið verður givið ungum listafólki, sum hevur víst hegni og hug at útbúgva seg.
Anton Petersen gongur á kenda filmslistaskúlanum FAMU í Prag. Anton er 27 ár og er ein av teimum mongu ungu, sum hava havt sína dagligu gongd á filmsverkstaðnum Klippfisk.
Skráin fyri hátíðarhaldið er hendan:
- Sigurð í Jákupsstovu, rektari, bjóðar vælkomin
- Bjørn Kalsø, mentamálaráðharri, handar gávugóðs.
- Inger Smærup Sørensen hugleiðir um avbjóðingarnar listin hevur í dag.
- Anton Petersen framber brot frá sínum verkum
Tiltakið er alment og boðið verður eisini til lítið ábit.
Í nevndini fyri grunnin sita Sigurð í Jákupsstovu, rektari á Fróðskaparsetrinum, sum er formaður, Herálvur Jacobsen, formaður Føroya Lærarafelags og Oddfríður M. Rasmussen, formaður í Listasambandi Føroya. Øll eru hjartaliga vælkomin.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...