![](https://setur.cdn.fo/savn/3835/csm_nordliks_arfundarmynd_2013_bc5114eef8.jpg?width=624&height=350&rmode=crop&s=DraNgCfoensouLc31HeRuERvBik)
Ársfundur í Nordliks - Nordplus
Hósdagin og fríggjadagin tann 14. og 15. november var ársfundur hildin í NORDLIKS-netverkinum, sum er eitt netverk undir NORDPLUS.
Tað er Føroyamálsdeildin, sum er limur í netverkinum, ið umfatar allar móðurmáls- og bókmentadeildirnar á universitetunum í Norðurlondum. Endamálið við netverkinum er at skipa fyri skiftislestri og skiftisundirvísing og til tað umsitur netverkið vanliga einar 130.000 evrur um árið.
Føroyamálsdeildin hevur verið við í NORDLIKS frá byrjan í 1992 og hevur á hvørjum ári havt í minsta lagi ein gestalærara gjøgnum netverkið. Onkur ár hava lesandi verið eina lestrarhálvu á øðrum universiteti gjøgnum NORDLIKS, eitt nú í Reykjavík, Keypmannahavn og Stockholm. Bæði studentar og lærarar fáa studning og ferðaískoyti frá netverkinum. Nærri kunning um Nordliks sæst her.
Ársfundurin í 2013 var hildin í Syddansk universitet í Odense. Fundarstaðurin var í nýumvældum og søguligum hølum á Adeligt Jomfrukloster, sum var eitt lærdómssetur fyri ógiftar aðalskvinnur. Sí nærri um Adeligt Jomfrukloster her
Malan Marnersdóttir umboðaði Føroyamálsdeildina á fundinum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...