![](https://setur.cdn.fo/savn/3737/csm_sissal_01_fde5e62c3c.jpg?width=624&height=350&rmode=crop&s=UoujSGs3RihyWkVNzzpU6r9dWxc)
Ársins grein 2018 er um føroysk børn og mál
Altjóða tíðarritið "First language" hevur valt grein um føroysk børn og mál sum ársins grein 2018 í hátíðarútgávu, nú tey fylla 40 ár
Tíðarritið gevur vísindaligar greinir út um gransking í máltøku hjá børnum. Tíðarritið hevur í ár verið virkið í 40 ár, og fyri at hátíðarhalda hetta er serútgáva komin, har tey hava valt eina grein fyri hvørt árið seinastu 40 árini.
Greinin ”Faroese children’s early vocabulary acquisition: A Faroese adaptation of the MacArthur–Bates Communicative Development Inventories”, sum Sissal M. Rasmussen skrivaði saman við Dorthe Bleses í 2018, er vald sum greinin fyri 2018.
40 ára tíðarritið kann lesast her
Greinin er í partinum, sum eitur ”Under-studied languages”.
Á bloggi sínum dregur ritstjórin fram ta føroysku granskingina sum áhugaverd granskingarúrslit.
Í sambandi við hátíðarhaldið er talgilda atgongdin til serútgávuna og føroysku greinina ókeypis í 2020, sí meira her.
Sissal M. Rasmussen hevur skrivað sína ph.d. á Føroyamálsdeildini um máltøku hjá føroyskum børnum. Hennara ph.d-verja skuldi verða nú í vikuni, men er útsett vegna heilsukreppuna.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...