Ársskeið í sernámsfrøði
Komandi skúlaár verður høvi hjá starvsfólki í fólkaskúlum og miðnámsskúlum at koma á árskeið í sernámsfrøði á Námsvísindadeildini á Fróðskaparsetrinum
Undirvíst verður í grundleggjandi hugtøkum í sernámsfrøði bæði sum námsfrøðiliga sergrein og sum partur av almennu námsfrøðini.
Dentur verður lagdur á sernámsfrøðiligar avbjóðingar í gerandisdegnum í skúlanum, ið krevja sernámsfrøðiligt atlit. Undirvíst verður í arbeiðshættum at arbeiða við sernámsfrøðiligum avbjóðingum og á samstarv millum fakbólkar, fakøki og fakgeirar.
Komið verður inn á serundirvísing, næmingalagaða undirvísing og inkluderandi sernámsfrøði.
Undirvísingin fer fram á Námsvísindadeildini og verður umleið ein dag um mánaðin, níggju ferðir íalt. Sí neyvari innihaldslýsing og lestrarætlan longur niðri á síðuni.
Grundskeiðið gevur atgongd til víðari framhaldslestur í sernámsfrøði, sum eftir ætlan verður bjóðað út lestrarárið 2024/2025.
Avmarkað pláss er á skeiðnum og tilmelding fer fram HER.
Um umsóknirnar eru fleiri enn pláss eru fyri, og tær standa javnt í førleikum, verða plássini tillutað eftir nær umsóknin kom inn.
Kostnaður fyri skeiðið: 21.000 Kr.
Luttakaratal: í mesta lagi 25 luttakarar
Fortreytir fyri luttøku: Lærara- ella námsfrøðingaútbúgving, ella onnur viðkomandi útbúgving á sama stigi, umframt minst 2 ára starvsroyndir í fólkaskúla ella miðnámsskúla
Undirvísingardagar á heysti 2023: 7. sept., 28. sept., 26. okt., 16. nov og 7. des. sí ársyvirlit niðanfyri.
Umsóknarfreist: 1. juli 2023 og umsóknir skulu sendast til lestur@setur.fo
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...