![](https://setur.cdn.fo/savn/3193/hs_mynd3.jpg?width=624&height=350&rmode=crop&s=XKxHOCSN-gTO5kxTUaisWv7W1qA)
Náttúruvísindadeildin
25.01.2011
Náttúruvísindadeildin Skriva út
Av Setrinum í starv hjá amerikanskari fyritøku
Hilmar Simonsen, PhD lesandi á Fróðskaparsetrinum, er settur í starv hjá amerikonsku fyritøkuni Ion GX Technology. Hetta er ein fyritøka við serkunnleika innan upptøku og viðgerð av seismiskum dátum.
Hilmar hevur seinastu árini starvast á Náttúruvísindadeildini hjá Fróðskaparsetrinum, har hann hevur granskað í seismikki við atliti til føroyska basaltið. Hendan verkætlanin er komin væl áleiðis og verður væntandi liðug innan stutta tíð.
Ion GX Technology er eitt tøkniliga framkomið felag, sum virkar á altjóða støði og veitir tænastur til oljuídnaðin kring allan knøttin. Hilmar skal í starvinum vera partur av toymi, sum skipar fyri og hevur dygdareftirlit (Quality Control) við upptøkur av seismiskum dátum til sjós. Hesar dátur verða eisini viðgjørdar (processeraðar) umborð á skipinum.
Hilmar byrjar í nýggja starvinum 15. februar 2011.
![](/fileadmin/user_upload/news/hs_Seismikkskip.jpg)
![](/fileadmin/user_upload/news/hs_Ion_logo.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...