Barna- og ungdómsbókmentir virdar í Norðurlondum
Ein norðurlendsk virðisløn fyri barna- og ungdómsbókmentir er stovnað. Hon verður latin fyrstu ferð í 2013 og er 350.000 kr.
Í gjár samtykti Norðurlandaráðið á fundi í Helsingfors at stovna virðisløn fyri norðurlendskar barna- og ungdómsbókmentir. Virðislønin verður 350.000 DKK, sama upphædd sum verandi bókmentavirðisløn Norðurlandaráðs. Umsitingin hjá tí nýggju virðislønini verður í Norrøna húsinum í Reykjavík, sum saman við skrivstovuni hjá Norðurlandaráðnum í Keypmannahavn fær ábyrgdina fyri hesum átakinum hjá ráðharraráðnum. Umframt sjálva virðislønina hoyra hesi tiltøk til átakið: rithøvundaskúli á Biskops Arnö fyri ung, stuðul til at norðurlendskir rithøvundar vitja, størri stuðul til týðing og fígging til samstarv tvørtur um londini.
Undan avgerðini um hetta norðurlendska átakið fyri barna- og ungdómsbókmentir hava nógvar góðar samráðingar og samrøður verið millum norðurlendskar mentamálaráðharrar og tingfólk. Barnabókmentalig umhvørvi hava verið til taks við vitan síni, førleika og undirtøku.
Virðislønin verður latin fyrstu ferð í 2013, og metingarnevnd verður sett skjótast gjørligt.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...