Benadikt Joensen námslektari í orkuverkfrøði

Benadikt Joensen er settur í starv sum námslektari í orkuverkfrøði á Náttúruvísindadeildini.

Benadikt hevur breiða útbúgving. Hann er elverkfrøðingur frá Danmarks Ingeniørakademi í 1980 og M.Sc. í leitingarjarðalisfrøði frá Fróðskaparsetrinum í 2010. Haraftrat hevur hann tikið meginpartin av B.Sc. útbúgvingini í havlívfrøði á Fróðskaparsetrinum umframt fleiri stakskeið frá øðrum hægri lærustovnum. Hann hevur pedagogikum fyri yrkisskúlalærarar.

Umframt at hava arbeitt sum elverkfrøðingur í nøkur ár hevur Benadikt drúgvar undirvísingarroyndir frá Vinnuháskúlanum, frá gymnasialu tøknbreytini í Klaksvík og frá øðrum miðnámsútbúgvingum. Hann hevur somuleiðis hollar royndir við undirvísing í fleiri skeiðum á Náttúruvísindadeildini og hevur verið avloysari á Danmarks Ingeniørakademi.

Benadikt fer  serliga at undirvísa í orkuverkfrøði og luttaka í menning av hesum fakøki á Fróðskaparsetrinum. Hann byrjar í starvinum tann 1. august 2015.