![](https://setur.cdn.fo/savn/5490/csm_jobmatch-fo_949e088a41.jpg?width=624&height=350&rmode=crop&s=EGK1T6HU1YLs_kdzsiIIYKlsU6A)
Bílegg samrøðu við Setrið á Jobmatch
Jobmatch 29. desember verður talgilt - bílegg samrøðu við Setrið nú
Fyri at fáa dreymastarvið er hægri útbúgving mangan avgerandi lykilin.
Á okkara universiteti, Fróðskaparsetrinum, eru eini 1000 lesandi, 30 útbúgvingar og eini hálvtannaðhundrað starvsfólk.
Vit hava fimm fakultet: Náttúruvísindadeildina, Søgu- og samfelagsdeildina, Deildina fyri heilsu- og sjúkrarøktarvísindi, Føroyamálsdeildina og Námsvísindadeildina.
Hvørt ár byrja eini 300 nýggj lesandi á Setrinum, harav eini 50 fara undir eina masterútbúgving her.
Kanska tú ert ein teirra?
Hevur tú eina bachelorútbúgving, men manglar yvirbygnaðin fyri ordiliga at kunna bjóða teg fram á arbeiðsmarknaðinum?
Kom so á Setrið og tak eina master í til dømis heilsuvísindum, politikki, umsiting, løgfrøði, føroyskum, sosialvísindum ella samfelagsplanlegging.
Ella tú hevur kanska eina master?
Jamen, hví so ikki taka serfrøðingastigið fult út og fara undir ph.d.-lestur á Setrinum?
PHd-lestur er trý-ára granskaraútbúgving, sum er neyðug fyri at kunna fáa starv sum granskari á universitetum og granskingarstovnum. Mong nútímans virki, serliga slík sum menna nýggjar vørur og tænastur, seta fólk við ph.d.-útbúgving í starv.
Í løtuni eru 17 ph.d.-lesandi innskrivað á Fróðskaparsetrinum.
Og vit vilja fegin hjálpa tær at koma í gongd eisini.
Vit hava vegleiðarar, yvirlit yvir grunnar at søkja fígging úr og vit hjálpa tær við at fáa tínar umsóknir góðskutryggjaðar.
Á Setrinum hvessir tú tær vitið og fílar lykilin til dreymastarvið.
Skráset teg nú á jobmatch.fo og bílegg eitt prát við okkara starvsfólk á Setrinum.
Hygg her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...