Birna Olsen blivin MA
31. oktober helt Birna Olsen meistarafyrilesturin "Tristanisma, Pól og Regin". Fyrilesturin, sum var almennur, er seinasti parturin av MA-náminum og Birna hevur sostatt lokið MA-prógv í føroyskum.
Evnið í fyrilestrinum er knýtt at MA-ritgerðini hjá Birnu, sum hevur heitið “”Syng um ástir” – lýriskar kærleikamyndir í yrkingum hjá Pól F. Joensen og Regini Dahl”. Í ritgerðini eru m.a. ymisk aspekt av kærleikahugtakinum til viðgerðar, teirramillum tristanisma.
Í fyrilestrinum fór Birna í dýpdina við hugtakinum tristanismu søguliga og ástøðiliga. Hon greindi tað serstaka slagið og fatan av ást, sum tristanisma er, í stuttum sagt, ást sum hevur sína fyritreyt í forðingum, sum gera ástarsameining ómøguliga. Eisini greiddi hon frá, hvussu útbreitt hetta hugtakið hevur verið í vesturlendskum skaldskapi gjøgnum tíðina, har tað hevur verið og er ein avgerandi táttur í hugmyndafrøðini um kærleika og hjúnaband. Við valdum yrkingum hjá Pól F. Joensen og Regini Dahl sum dømum vísti Birna, hvussu tristanisma ger vart við seg í tí lýriska myndamálinum hjá hesum tveimum skaldunum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...