Biskupur heiðursdoktari á Ilisimatusarfik
Á ársveitsluni tann 27. september tilnevndi Ilisimatusarfik Sofie Petersen til heiðursdoktara, ph.d. honoris causa.
Sofie Petersen hevur skipað fyri nýggjari týðing av bíbliuni, nýggjari ritualbók og staðið á odda fyri nýggju sálmabókini, sum kom í 2008. Sofie Petersen er úr Maniitsoq, útbúgvin gudfrøðingur frá universitetinum í Århus og hevur eftir lokið prógv virkað í Grønlandi og varð í 1995 innsett biskupur í Hans Egede-kirkjuni í Nuuk. Hon er áttandi heiðursdoktarin, grønlendska universitetið hevur tilnevnt.
Á ársveitsluni greiddi rektarin Gitte Adler Reimer frá, at síðani seinastu veitslu eru 110 lesandi útskrivað frá Ilisimatusarfik, og at talið á innskrivaðum studentum er nærum tvífaldað hesi seinastu tíggju árini, soleiðis eru í ár 196 nýggj innskrivað til lestur á Ilisimatusarfik. Av teimum eru flest farin at lesa til lærara, næstflest vinnubúskaparfrøði og triðflest lóg. Rektarin fegnaðist um, at fleiri og fleiri koma beinleiðis úr studentaskúlunum.
Ársveitslan á Ilisimatusarfik verður hildin seinasta fríggjadagin í september, sum í ár var tann 27.
Malan Marnersdóttir, stýrislimur á Ilisimatusarfik
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...