Bjørn Kunoy vart doktararitgerð
Bjørn Kunoy vardi mánadagin 4. februar 2013 doktararitgerð í løgfrøði við Université de Paris Ouest Nanterre í Paris
Heitið á ritgerðini er “La délimitation du plateau continental au-delà de 200 milles marins”, og snýr evnið seg um galdandi rættarreglur í landgruns marknamálum uttanfyri 200 fjórðingar.
Verjan vardi umleið 3 tímar og gekk framúr væl. Bjørn fekk best møguligt ummæli, og er ritgerðin innstillað til akademiskan prís. Seinni er ætlanin at geva ritgerðina út í bók.
Vegleiðari hevur verið Alain Pellet, professari í Université de Paris Ouest Nanterre og fyrrverandi formaður í altjóða rættarnevnd Sameindu Tjóða.
Oppenentarnir vóru:
- Jean-Pierre Cot, emerit professari Université Paris I (Panthéon-Sorbonne), og dómari í altjóða havrættar dómstólinum í Hamburg;
- James Crawford, Whewell professori, University of Cambridge;
- Jean-Pierre Quéneudec, emerit professari í Université Paris I (Panthéon-Sorbonne);
- Nathalie Ros, professari í Université François Rabelais de Tours; og
- Sandra Szurek, emerit professari í Université Paris Ouest Nanterre.
Bjørn hevur verið tilknýttur løgfrøðiini á Fróðskaparsetrinum, har hann m.a. hevur verið censor í fakinum law of the sea, har hálvi føroyingurin Pétur Dam Leifsson undirvísti.
Vit ynskja Bjørn hjartaliga tillukku við flotta avrikinum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...