![](https://setur.cdn.fo/savn/9115/erika-anne-hayfield.jpg?width=624&height=350&rmode=crop&s=Me_ZqZf0pz5RagO3j2RIhvswO-E)
Blív klókari uppá ein tíma mikudagin
Fróðskaparflís: Erika Anne Hayfield, lektari í samfelagsvísindum og granskari, hevur almenna middagsframløgu um koronu á Søgu- og samfelagsdeildini mikudagin 26. apríl
Framløgan eitur "At finna meining í lockdown: Ein kanning av COVID-dagbókum", og Erika fer at leggja úrslit úr 51 koronadagbókum og samrøðum fram.
Granskingarverkætlanin setur sjóneykuna á fyrstu tíðina við COVID-19, tá Føroyar og restin av heiminum fór niður í ferð – eitt tíðarskeið uttan fordømi.
COVID-19 kreppan elvdi til stórar broytingar og órógv av alstórum týdningi. Á fakmáli kann hetta tíðarskeiðið sigast at vera ein sonevnd ”cosmology episode”, sum er ein undantaksstøða, har alt tað, vit kenna og liva eftir, verður ókent og løgið. Í einari “cosmology episode” royna fólk at finna høpi í støðuni (sense-making) og tillaga seg til nýggja veruleikan.
Kanningin varpar ljós á mótstøðuføri (resilience processes), sum eru evnini at yvirliva og finna fram til ein nýggjan normalitet. Úrslitini verða sett í føroyskan samanhang, og kannað verður, hvønn týdning tað hevði á mótstøðuførið at vera eitt lítið oyggjasamfelag í lockdown.
Øll eru hjartaliga vælkomin á veghæddina í Jónas Broncks gøtu 25 at lurta. Framløgan er frá klokkan 12.00 - 13.00.
Næstu ferð, at froðskaparflís verður á skránni á Søgu- og samfelagsdeildini er 17. mai klokkan 12:00. Tá fer Andras M. Mortensen, lektari í søgu, at hava framløgu við heitinum, "Seyðabrævið og kongligur lóggávupolitikkur síðst í 1200-talinum".
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...