Bókaverk um føroysk sethús á veg
Jóan Pauli Joensen, adjungeraður professari á Søgu- og samfelagsdeildini, gevur út nýtt bókaverk um hús til várs
Verkið verður í tveimum bindum við heitinum ”Í stovuni sofu í køki komfýr”. Bústaðarviðurskifti og sethús til umleið 1960. Ein etnologisk lýsing".
Til umleið 1960 var sethúsabyggingin í Føroyum í høvuðsheitum fólkslig, men so broyttist byggisiðurin, eins og so nógv annað, og tá komu sniðhús og hús, sum arkitektar teknaðu.
Hóast denturin er lagdur á tíðina fram til 1960, so verða sethús og bústaðir eisini lýst í stuttum upp til í dag.
Bókaverkið ”Í stovuni sofu í køki komfýr” byggir á tilfar, sum høvundurin hevur savnað, síðani hann hann fór at virka sum fólkalívsfrøðingur fyrst í 1970-árunum.
Hesa ferð verður tað Sprotin, sum stendur fyri útgávuni.
Hesi seinastu 150 árini eru bústaðarviðurskiftini hjá føroyingum nógv broytt. Fyrra myndin er av sethúsum í 21. øld, og her er ein mynd av sethúsum, sum tey sóu út seinast í 19. øld
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...