![](https://setur.cdn.fo/savn/6351/heini-í-skorini-2.jpg?width=624&height=350&rmode=crop&s=y88JJFvC8OYkxPbohRxspoSG5Uk)
Bókin um talufrælsi leggjast fram á Kings College
Í dag leggur Heini í Skorini, ph.d. á Søgu- og samfelagsdeildini bók sína um talufrælsi fram á King´s College í London
Seinnapartin fer Heini í Skorini, adjunktur á Fróðskaparsetrinum at leggja sína stóru bók um talufrælsi og religión fram á Strand Campus á King´s College í London.
Bókin viðger, hvar mørkini ganga fyri talufrælsinum, nær frí tala verður til haturstalu, um religiøsir minnilutar skulu verjast ímóti kritikki, satiru og niðrandi útsagnum og - ikki minst - politiska stríðið um, hvat altjóða lóggáva eigur at siga um hesar spurningar.
Einki land í heiminum loyvir treytaleysum talufrælsi, men heimsins lond eru grundleggjandi ósamd um, hvørjar leiðreglur skulu vera galdandi í altjóða lóg. Og aftur og aftur eru samanbrestir og politiskar kreppur millum lond og bólkar um talufrælsið øðrumegin og átrúnaðarligar kenslur ella atlit hinumegin.
Bókin hjá Heina í Skorini vísir, hvussu klassisk mannarættindahugtøk verða brúkt og misbrúkt av politiskum aktørum, og hvussu tað politiska stríðið um at orða og tulka altjóða lóg fer fram í praksis.
Bókin, sum verður løgd fram á King´s College í London seinnapartin í dag klokkan 17, er ein dagførd útgáva av ph.d.- ritgerðini hjá Heina í Skorini.
Lesið meira um tiltakið her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...