![](https://setur.cdn.fo/savn/4714/csm_busk_logo_600px_f1a7179bb3.jpg?width=624&height=350&rmode=crop&s=wTHeFClGOiHiaQQo3OoEukaeTWM)
Building Shared Knowledge í Føroyum
20.-22. mars verður Fróðskaparsetrið vertur fyri eini ráðstevnu, ið savnar granskarar úr Útnorðri um at menna vitanartilfeingi um lendisnýtslu. Føroyski verkætlanarparturin tekur støði í Sandoynni.
Bulding Shared Knowledge (BuSK) er heitið á eini verkætlan, sum Fróðskaparsetur Føroya er partur av. Føroyski verkætlanarparturin vísir m.a. á, hvussu GIS-tøkni kann nýtast til at brúka staðbundna og lokala vitan um lendisnýtslu í Sandoynni. Endamálið er at menna vitanartilfeingi um lendisnýtslu, sum kann fremja burðardyggar búskaparligar mannagongdir, yrki og virki í smásamfeløgum.
BuSK er fíggjað av sokallaða Northern Periphery and Artic Programme (sí www.interreg-npa.eu), og umframt Fróðskaparsetrið eru lærustovnar og aðrir áhugapartar innan gransking í Finnlandi, Írlandi, Íslandi, Noregi og Svøríki partar av verkætlanini. Hesi arbeiða eisini við at menna amboð til at brúka lokala/staðbundna vitan - m.a. um nátturutilfeingi og ferðavinnu – og tvinna hana inn í planlegging av lendisnýtslu.
Ein BuSK ráðstevna verður í Føroyum 20.-22. mars, har øll umboðini í Útnorðri luttaka. Fundir og túrar verða gjørdir í Sandoynni, har ljós verður varpað á ymisk lendisviðurskifti í oynni. Lokalir leikarar – m.a. verkætlanin Veltan og kunningarstovuleiðarin – luttaka á ráðstevnuni og samstarva við BuSK.
Les meira um BuSK her
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...