![](https://setur.cdn.fo/savn/4523/csm_island_groenmeti_2_-_kopi_03d4f77b70.jpg?width=624&height=350&rmode=crop&s=mypRPScG9D6EugM5kcFS2bmUmPY)
Burðardygg matvøruframleiðsla í vísindum og í verki
Intensivt skeið fyri master- og ph.d.-lesandi um umskifti til ein burðardyggan búskap í londunum í norðurhøvum
Ert tú master- ella ph.d.-lesandi? Hevur tú serligan áhuga fyri burðardyggari menning og hvussu hon kann fremjast í verki? So kanst tú leggja aftrat tínari vitan, tínum innliti og tínum førleikum á intensivum skeiði dagarnar 18.-22. juni.
Hesar dagar skipar Green Growth Dialogue fyri einum intensivum skeiði í tí, ið verður nevnt ‘engaged scholarship’. Skeiðið fer fram sum partur av verkstovuni hjá netverkinum Green Growth Dialogue, sum hesa ferð hevur heitið ‘Alternative and Sustainable Food Production in the Arctic’.
Á skeiðnum leggja vísindafólk fram og eisini leggja umboð fyri eitt nú vinnu og almennar stovnar fram teirra vitan, royndir og sjónarmið viðvíkjandi einum umskifti til ein meiri burðardyggan búskap í londunum í norðurhøvum. Týðandi partur av skeiðnum og verkstovuni er orðaskifti millum vísindaligu partarnar, her uppií lesandi, og almennu og vinnuligu partarnar um, hvussu umskiftið kann fremjast í verki.
Fakliga og verkliga samskiftið er eisini tað, sum eyðkennir luttakandi vísindi: Talan er um eina tilgongd, har partarnir í felag – grundað á samskifti – menna nýggja vitan og avbjóðingar og loysnir, og har hetta í sínum lag hevur við sær øðrvísi granskingarspurningar og policy-analysur.
Umsóknarblað og nærri kunning viðvíkjandi skeiðinum finnur tú her. Umsóknarfreistin er 15. mai.
Tú kanst eisini lesa meira um Green Growth Dialogue-netverkið og um Green Growth Dialogue-verkstovuna 2017.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...