Dagur íslenskrar tungu - íslendskur móðurmálsdagur

Íslendingar gera nógv burtur úr móðurmálsdegi sínum, 16. november, føðingardegi Jónasar Hallgrímssonar, tjóðskalds. Dagurin verður í ár hildin í Skálanum í Norðurlandahúsinum hósdagin 16. november kl. 19.30.

Dagurin er almennur flaggdagur, og mentamálaráðið skipar fyri ymsum tiltøkum í samstarvi við fólk og stovnar. M.a. verður latin móðurmálsvirðisløn hendan dag, sum hevur verið hátíðarhildin síðan 1996.

Í ár skipar Aðalkonsulát Íslands fyri kvøldsetu í Norðurlandahúsinum við fjølbroyttari skrá og bjóðar øllum - føroyingum, íslendingum og øðrum - at vera hjartaliga vælkomin. Tiltakið er alment og ókeypis, og ymist gott íslendskt verður at fáa frá okkara Guðmundi kokki.

Skrá:

• Einar Kárason, rithøvundur: Um Føroyingasøgu og íslendskar miðaldarrithøvundar
• Heðin M. Klein, skald og fyrrv. landsstýrismaður: Upplestur
• Guðrið Hansdóttir, listafólk: Tónleikaframførsla
• Høgni Djurhuus, tíðindamaður: Hugleiðingar
• Turið Sigurðardóttir, professari í bókmentum: Samstarv um mentan og gransking
• Þóra Þóroddsdóttir, rithøvundur og týðari: Hugleiðingar
• Guðrið Hansdóttir, listafólk: Tónleikaframførsla