![](https://setur.cdn.fo/savn/3332/csm_horaldur_bok_a896c655aa.jpg?width=624&height=350&rmode=crop&s=Rx91pvzAp0uEsLC1p5MquEcKjH4)
Doktarritgerð givin út av týskum forlagi
Týska forlagið Lap Lambert Academic Publishing hevur útgivið doktararitgerðina hjá Hóraldi Joensen, lektara á Náttúruvísindadeildini, sum hann vardi í Bergen í 2002.
Fyrr í ár vóru umboð frá týska forlagnum Lap Lambert Academic Publishing á vitjan á universitets bókasavninum í Bergen í Noregi. Har komu tey fram á doktararitgerðina hjá Hóraldi Joensen, sum hann vardi við Universitið í Bergen í 2002. Teir hildu ritgerðina verða so mikið áhugaverda og á slíkum høgum vísindaliga støði, at teir vildu sleppa at geva hana út.
Týska forlagið setti seg síðani í samband við Hórald Joensen fyri at fáa loyva til at geva ritgerðina út. “Eg greiddi teimum frá, at eg als ikki hevði ráð til fíggja nakra útgávu”, greiðir Hóraldur frá, “men bað teir bara prenta, um teir høvdu hug til tað og rindaðu alt sjálvir.” Forlagið so gjørdi, og kom bókin við heitinum ' Identification of fish by multivariate analysis of fatty acid profiles: Discrimination among fish species and stocks by multivariate analysis of fatty acid signatures in selected tissues' út tann 9. novembur og er til keyps umvegis internet bókasøluna Amazon.com
Í ritgerðini, og nú í bókini, verður greitt frá ymsum hættum at finna fram til ymsar eginleikar í feittinum á fiski, og hvussu munurin í feitteginleikunum kann brúkast til at skyna ímillum ymsar stovnar av sama fiskaslagi. Serliga hyggur hann eftur muninum ímillum toskastovnarnar á Føroya Banka og á Landgrunninum og trý ymisk kongafiskasløg í Norðurhøvum. Slíkir hættir at eyðmerkja fiskastovnar hava avgerandi týðning, t.d. í millumtjóða samráðingum um býti av felags fiskastovnum.
Ritgerðina vardi Hóraldur Joensen, sum longu nevnt, á Universitetinum í Bergen í 2002. Hann skrivaði ritgerðina, meðan hann var í verkætlanarstarvi á Fiskirannsóknarstovuni, nú Havstovuni. Síðani 2008 hevur Hóraldur starvast sum lektari í evnafrøði á Nátturvísindadeildini.
![](/fileadmin/user_upload/news/horaldur_joensen.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...