12.01.2015
Skriva út
Eftirmeting av Fróðskaparsetri Føroya verður løgd fram 13. januar 2015
Landsstýrismaðurin í mentamálum, Bjørn Kalsø, setti á heysti 2013 eina uttanhýsis serfrøðinganevnd at eftirmeta Fróðskaparsetur Føroya. Nevndin er nú komin á mál við eftirmetingini, sum er fyrsta av sínum slagi, og sum er ásett í løgtingslógini um Fróðskaparsetur Føroya.
Á almennum tiltaki fer nevndin at leggja fram niðurstøður og draga fram tilmæli. Nevndin hevur arbeitt út frá hugsjónini “vit eftirmeta fyri at menna”. Eftirmetingin skal vera við til at tryggja, at Fróðskaparsetur Føroya livir upp til altjóða krøv, sum verða sett til granskingargrundaðar universitetsútbúgvingar.
Í serfrøðinganevndini eru Linda Nielsen, professari, dr.jur. Københavns Universitet, Jón Torfi Jónasson, professari ph.d., Háskóli Íslands og Jürg Glauser, professari Dr. Phil., University of Zürich og University of Basel.
Framløgan verður í Mentamálaráðnum týsdagin, 13. januar kl. 15.00.
Øll eru vælkomin.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...