Eik-legat til lesandi

Eik bjóðar nú føroyingum undir útbúgving stuðul til uppihald uttanlands.

Eik-legatið er eitt legat fyri ung føroysk lesandi, ið eru farin undir eina hægri bókliga útbúgving ella yrkisútbúgving.

Legatið er ætlað sum stuðul til uttanlandsuppihald í beinleiðis sambandi við útbúgvingina. Eik-legatið er uppá kr. 15.000 og verður latið upp til tveimum umsøkjarum, tvær ferðir árliga – 1. juli og 1. januar. Umsóknarfreistin er ávikavist 15. juni og 15. desember.

Freistin at søkja hesa ferð er 15. juni 2016.

Krøv til umsøkjarar

Fyri at fáa Eik-legatið, er neyðugt, at:

• Tú ert í ferð við at taka eina hægri bókliga útbúgving ella eina yrkisútbúgving.

• Legatið verður nýtt í sambandi við lestraruppihald uttanlands.

• Lestraruppihaldið ikki er byrjað, tá søkt verður um stuðulin.

• Tú ert kundi í Eik.

• Tú greiðir frá uppihaldinum á bloggi e.l. á heimasíðuni hjá Eik Banka.

Les meira um Eik-legatið her.