Erik Skyum-Nielsen vitjar
Bókmentatiltak verður í Gamla Bókhandli 4. september
Danski bókmentafrøðingurin Erik Skyum-Nielsen vitjar og undirvísir á Føroyamálsdeildini í døgunum 2. til 6. september. Í hesum sambandi verður bókmentatiltak í mentanararvsrúminum (íbúðini) í Gamla Bókhandli mikudagin 4. september kl. 16. Bergur Rønne Moberg fer at hava samrøðu við Erik Skyum-Nielsen um rithøvundarnar Halldór Laxness og Gunnar Gunnarsson sum ávikavist íslendskt- og dansktskrivandi íslendingar. Umrøddir verða líkleikar millum íslendskar og føroyskar bókmentir á føroyskum og donskum við serligum atliti at bókmentasøguskriving.
Erik Skyum-Nielsen er lektari á Nordiske Studier á universitetinum í Keypmannahavn, og hann hevur umframt íslendskar høvundar týtt føroyskan skaldskap, m.a. verk eftir Jóanes Nielsen, Oddvør Johansen og Carl Jóhan Jensen. Tey flestu munnu eisini kenna hann sum ummælara.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...