![](https://setur.cdn.fo/savn/4506/csm_erika_anne_hayfield_4d1a82423d.jpg?width=624&height=350&rmode=crop&s=2hHzo4a94E7W_Mr0bN7JqBCwDzc)
Erika grein í Nordic Journal of Migration Research
Erika Anne Hayfield, Ph.D. og adjunktur í samfelagsvísindum, hevur greinina “Exploring transnational realities in the lives of Faroese youngsters” í seinastu útgávuni av tíðarritinum.
Greinin viðger ung og flytimentan í Føroyum. Í greinini verður grundgivið fyri, at føroysk børn vaksa upp í einari mentan, har flyting til og úr Føroyum (serliga til Danmarkar) hevur sera týðandi ávirkan á samfelagið og sosial viðurskifti í Føroyum.
Hjá børnum og ungum hongur flyting saman við skapanini av lívsleiðini. Tí sæst, at børn og ung menna eitt transnationalt sjónarhorn, áðrenn tey nakrantíð eru flutt úr Føroyum – og verður hetta seinni, hjá nógvum, til ein transnationalan livihátt.
Flyting er tí ein grundleggjandi partur av tí at vaksa upp í Føroyum, óansæð um ein seinni velur at flyta av landinum ella ikki.
Greinin byggir á samrøður við ung í tveimum aldursbólkum úr ymsum støðum í Føroyum. Talan eru um aldursbólkin 14-15 og 18-24 ár.
Tilvísing til greinina:
Hayfield, EA (2017) “Exploring transnational realities in the lives of Faroese youngsters”, Nordic Journal of Migration Research, 7 (1) https://www.degruyter.com/downloadpdf/j/njmr.ahead-of-print/njmr-2017-0007/njmr-2017-0007.pdf
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...