![](https://setur.cdn.fo/savn/8638/lighthouse_and_icebergs_at_night_-_illustration_with_copyspace.jpg?width=624&height=350&rmode=crop&s=3222RZw8bLUqbWGFBcopFpy9y8U)
Evstamark at søkja lestrarpláss er á midnátt fríggjadagin
Á midnátt fríggjakvøldið 1. juli er evstamark at søkja um lestrarpláss á okkara universiteti, Fróðskaparsetri Føroya
Vilt tú eisini verða partur av okkara fjølbroytta og stóra skara av umleið 1000 lesandi á Føroya einasta universiteti? Ja, so er at søkja um lestrarpláss á einari av okkara mongu spennandi útbúgvingum. Mong velja at fara undir hægri útbúgving á Setrinum, og talið hevur verið í vøkstri seinastu árini, so nú søkja fleiri um pláss á Setrinum enn á universitetum í Danmark.
Kanningar hava seinastu árini eisini víst, at so at siga øll, sum hava prógv frá Setrinum, fáa lestrarviðkomandi starv eftir lokna útbúgving. So arbeiðagevarar eru grammir eftir at seta fólk í starv, sum hava útbúgving frá Fróðskaparsetri Føroya. Tað hava vit m.a. skrivað um her og her.
Vit hava í ár lýst við okkara útbúgvingum við at brúka seks ung, sum øll hava tað til felags, at tey søkja um hægri lestrarpláss á Fróðskaparsetrinum. Tey eita Markus, Beinta, Jórunn, Jónas, Monika og Ronja.
Evstamark at søkja er á midnátt 1. juli, og tú kanst gera tað her.
Á Fróðskaparsetrinum eru umleið 100 undirvísarar og granskarar, eini 40 starvsfólk í fyrisitingini og okkurt um 1000 lesandi. Setrið fevnir um fimm deildir og eina miðfyrisiting. Í øllum okkara virki er tað okkara skylda at veita javnbjóðis møguleikar, virka fyri inklusión og at stimbra trivnaðin hjá okkara lesandi og starvsfólki í einum umhvørvi, har øll kunnu mennast.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...