![](https://setur.cdn.fo/savn/3355/beinta_web.png?width=624&height=350&rmode=crop&bgcolor=fff&format=jpg&s=9HEze6eI7762Hqnsabu1iXdpoiE)
Færøysk liv i nordisk perspektiv. Heiðursrit til Beintu í Jákupsstovu
Fróðskapur hevur givið út bók við greinum, sum eru skrivaðar til Beintu í Jákupsstovu, dr.polit., í sambandi við 60 ára føðingardag hennara 27. desember 2011. Tað eru 8 greinar í bókini, sum Edit Bugge, Heine Bugge og Kristin Tornes hava ritstjórnað. Tórshavn 2012, 178 síður. Kostnaður 200 kr. Supplementum 55. ISBN: 99918-65-37-9.
Í bókini verða evni viðgjørd, sum Beinta annaðhvørt arbeiðir við ella hevur serligan áhuga fyri: Kommunupolitikkur og politisk umboðan, hagtøl og vitanargrundarlag fyri politiskum avgerðum, vælferðarpolitikkur, kyn, familjupolitikkur og bókmentapolitikkur.
Beinta í Jákupsstovu er fyrstiamanuensis í stjórnmálafrøði við Høgskolen i Molde. Síðani 2008 hevur hon eisini verið knýtt at Søgu og samfelagsdeildini á Fróðskaparsetri Føroya. Hon vardi í 2003 doktararitgerð, sum Fróðskapur gav út í bók í 2006 við heitinum Kunnskap og Makt - Færøysk helsepolitikk gjennom 150 år. Í bókini lýsir hon hugburðin í føroyskum heilsupolitikki frá fyrst í 19. øld og fram til heimastýristíðina.
Greinarnar, sum eru á føroyskum, norskum og íslendskum eru:
Kari Skrede: Fruktbarhet og familiepolitikk – hvor bærekraftig er den nordiske modellen?
Audun Offerdal: Representasjon og fråfall
Elin Súsanna Jacobsen: Kvinnulív í Havn uml. 1850
Firouz Gaini: Knívleysir menn. Samleiki og mentan hjá ungum føroyskum monnum
Eli Kjersem og Turid Aarset: Idealer, forestillinger og kunnskap om alderdom og boformer
Svavar Sigmundsson: Færeyingafélagið í Reykjavík
Malan Marnersdóttir: Bókmentir og samfelag
Kristin Tornes: Kunnskap og politikk
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...