Færri umsóknir gjøgnum kvotu 2

Færri umsóknir eru komnar um lestrarpláss á Setrinum eftir summarfrítíðina gjøgnum kvotu tvey samanborið við undanfarin ár

Inn eru komnar 108 kvotu2-umsóknir um lestrarpláss eftir summarfrítíðina samanborið við 145 umsóknir í fjør.

Serliga er stór minking í umsøkjaratalinum til sjúkrarøktarfrøði, men har ger tað serliga seg galdandi, at Setrið á fyrsta sinni eisini tók upp lesandi í sjúkrarøktarfrøði í januar. Til vetrarbyrjanina tá komu 49 kvotu2-umsóknir inn.

Eisini er talið minni av kvotu2-umsóknum til námsfrøði samanborið við í fjør, tá óvanliga mong søktu inn. Umsøkjaratalið í ár er á somu leið, sum vanligt hevur verið.

Summar útbúgvingar hava bara verið bodnar út annaðhvørt ár, so um vit samanbera tølini frá seinast, at til bar at søkja tær, so vóru 152 umsóknir tá (KT-verkfrøði, lívfrøði og mýlalívsvísindi í 2020 – restin í 2021).