Fróðskaparsetrið við í norðurlendskum útbúgvingarsamtaki
Fróðskaparsetur Føroya er við í felagsnorðurlenskum útbúgvingarsamtaki, ið hevur fingið styrk frá Norðurlandaráðnum. Heitið á útbúgvingini er "Nordic Master in Marine Ecosystems", og er samskipað av Lærda Háskúlanum í Bergen. Fróðskaparsetur Føroya, Háskóli Íslands og Århus Universitet eru hinir partarnir í útbúgvingarsamtakinum.
Hendan útbúgvingin er ein av 6 nýggjum felagsnorðurlendskum útbúgvingum, ella sum tær nevnast á enskum: "Nordic Master programmes". Tilsamans høvdu 41 samtøk latið inn umsókn til Norðurlandaráðið, men einans 6 sluppu gjøgnum nálareygað, tá avtornaði.
Samstarv við Fiskirannsóknarstovnun
Luttøkan í nýggju havvistfrøðiútbúgvingini er fingin í lag í samstarvi við Fiskirannsóknarstovuna. Tað er Bogi Hansen, havfrøðingur og leiðari á Umhvørvisdeildini á Fiskirannsóknarstovuni, ið hevur samskipað føroysku luttøkuna.
Lærdi Háskúlin í Bergen kemur sum vera man at standa fyri tí mesta av undirvísingini, meðan Fróðskaparsetur Føroya kemur at taka sær av undirvísingini í Fiskivinnuhavfrøði. Tað verða starvsfólk av Fiskirannsóknarstovuni og Náttúruvísindadeildini á Fróðskaparsetrinum, ið koma at standa fyri undirvísingini.
Harumframt kemur Fróðskaparsetrið eisini at hýsa síðstaárslesandi, ið skriva master-ritgerð. Tær seks nýggju felagsnorðurlendsku útbúgvingarnar
- Nordic Master Program in Gerontology (Jyväskylä)
- Innovative Information and Communication Technologies (Åbo)
- Nordic Master in Marine Ecosystems (Bergen)
- Nordic Master in Plant Pathology (København)
- Innovative sustainable Energy (Stockholm)
- The religious Roots of Europe (Århus)
Fullfíggjað yvirlit yvir luttakandi stovnar
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...