Fýra dekanar settir

Stýrið fyri Fróðskaparsetur Føroya hevur sett fýra av fimm dekanum. Teir nýsettu dekanarnir eru:

Magni Mohr fyri heilsuvísindi og sjúkrarøkt

Bergur Djurhuus Hansen fyri Føroyamálsdeildina

Hans Pauli Joensen fyri Náttúruvísindadeildina og

Hans Andrias Sølvará fyri Søgu- og samfelagsdeildina.

Starvið sum dekanur fyri Námsvísindadeildina verður eftir ætlan sett seinni í juni.

Stýrið setir dekanarnar eftir tilmæli frá rektaranum. Starvstíðin er trý ár, og dekanarnir taka við 1. august.