![](https://setur.cdn.fo/savn/3920/irina_zhilina_02.jpg?width=624&height=350&rmode=crop&s=PGf8ZXnHT0ukTEBUlY3su11ldT8)
Fyrilestur um Russland og Ukraina
Hósdagin tann 27. mars verður ein almennur fyrilestur á Søgu- og Samfelagsdeildini um Russland og Ukraina og orrustuna um Krim.
Tað er Irina Zhilina, sum í løtuni er gestafyrilestrahaldari á Søgu- og Samfelagsdeildini, ið kemur at greiða frá orrustuni millum Russland og Ukraina sæð við russiskum eygum.
Irina Zhilina starvast á Strategic Environmental Impact Assessment of development of the Arctic, á Arctic Centre í Rovaniemi, í Finnlandi. Hon er útbúgvin innan altjóða viðurskifti á Murmansk State Technical University í Russlandi og hevur eina kandidatútbúgving í pólrætti (polar law) frá Lærda háskulanum á Akureyri í Íslandi.
Fyrilesturin verður hildin á Søgu- og Samfelagsdeildini, Jónas Broncks gøtu 25, fyrilestrahøli á veghæddini, klokkan 15:00. Tiltakið varar umleið ein tíma. Øll eru vælkomin.
Niðanfyri er ein enskur samandráttur av framløguni sum verður hósdagin:
Russian political considerations about Ukraine and Crimea
The political situation in Ukraine has become a centre of the world´s attention last month as the Crimea referendum campaign started. The presentation is inviting to discuss the Russian international perspective on the Ukrainian crisis and also domestic implications of the EU/US –led sanctions.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...