![](https://setur.cdn.fo/savn/3921/csm_steingrimur_j-_sigfusson_6e3f463b6e.jpg?width=624&height=350&rmode=crop&s=rQuqYCR0HUmaCHcU4PlEvm054XM)
Fyrilestur við Steingrími J. Sigfússyni, fyrrverandi fíggjarmálaráðharra Íslands
Fríggjadagin 28. mars kl 15:30 verður ein almennur fyrilestur á Søgu- og Samfelagsdeildini við Steingrími J. Sigfússyni, fyrrverandi fíggjarmálaráðharra Íslands, um endurreisingina av íslendska búskapinum.
Fyrilesturin verður fríggjadagin 28. mars kl 15:30 á Søgu- og Samfelagsdeildini, Jónas Broncks gøtu 25, fyrilestrahøli á veghæddini. Tiltakið varar umleið ein tíma. Øll eru vælkomin.
Steingrímur J. Sigfússon tók við sum fíggjarmálaráðharri Íslands í 2009, tá ið stóra fíggjarkreppan var vorðin veruleiki. Sum fíggjarmálaráðharri til 2013 hevði hann ein týðandi leiklut í arbeiðnum at endurreisa íslendska fíggjarkervið, og í samráðingum við altjóða gjaldoyragrunnin IMF og onnur lond og kreditorar um tiltøk og loysnir.
Í fyrilestrinum fer Steingrímur at lýsa nakrar av teimum avgerðum og loysnum, ið vórðu framdar í skattaskipanini, peningapolitikkinum, vinnuligu lóggávuni, vælferðarskipanunum o.a. Heitið á fyrilestrinum er:
Leið Íslands út úr kreppuni ( Iceland’s Way Out Of The Crisis)
Fyrilesturin verður á enskum
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...