![](https://setur.cdn.fo/savn/3880/thorvald_02.gif?width=624&height=350&rmode=crop&format=jpg&s=Y8hjzflIS5e_GLSoFw9eqE2t99s)
07.02.2014
Skriva út
Gávugóðs úr Grunni Thorvalds Poulsen av Steinum
Fróðskaparsetur Føroya skipar fyri hátíðarhaldi í sambandi við, at gávugóðs verður handað úr Grunni Thorvalds Poulsen av Steinum.
Grunnur Thorvalds Poulsen av Steinum hevur sum endamál at stuðla og eggja ungum fólki við listarligum hegni til útbúgving. Thorvald Poulsen av Steinum, ið stovnaði grunnin, var gartnari í Havn og hevði stóran áhuga fyri bókmentum og list. Gávugóðsið varð fyrstu ferð latið í 2001, og síðani hava 17 listafólk fingið tillutað tilsamans 810.000 krónur úr grunninum.
Í ár hevur nevndin valt at heiðra Heiðrun Petersen, violinleikara.
Limirnir í nevndini eru sambært viðtøkunum fyri grunnin, rektarin á Fróðskaparsetri Føroya, formaðurin í Listasambandi Føroya og formaðurin í Føroya Lærarafelag.
Tiltakið, sum er alment, verður á Fróðskaparsetrinum, Jónas Broncks gøta 25, leygardagin 8. februar kl. 15.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...