![](https://setur.cdn.fo/savn/4770/csm_masafuglar_ce8fb8b126.jpg?width=624&height=350&rmode=crop&s=8Izz_ahCwa2Pl45hcgIXaEp_5Gk)
Gestafyrilestur um stóran másafugl
Í samband við vitjanina í Føroyum fer Rahel Maren Borrman, ph.d.-lesandi úr Týsklandi, at halda gestafyrilestur í Sjóvinnuhúsinum á Vestaru Bryggju 15, stovu U407, friggjadagin tann 1. juni kl. 11.00.
Rahel Maren Borrman er ph.d.-lesandi í the Marine Animal Ecology Group úr Sentrinum fyri Gransking og Tøkni (FTZ) á Universitetinum í Kiel, Týsklandi. Rahel arbeiðir innan vistfrøði hjá sjófugli við serligum denti á størru másafuglarnar; teirra einstøku spesialiseringar og hvussu teir ferðast, umframt varðveitingarætlanir í mun til stovnsrøkt og sjóvindmylluøki. Fyri eitt fiskivinnusamfelag sum okkara, er eitt nú másafuglur av stórum vistfrøðiligum týdningi. Rahel er nú í Føroyum fyri at merkja svartbak í samstarvi við Jóhannis Danielsen, lektara á Fróðskaparsetri Føroya.
Og tað er sambandi við hesa vitjan, at Rahel fer at halda gestafyrilestur í Sjóvinnuhúsinum á Vestaru Bryggju 15, stovu U407, friggjadagin tann 1. juni kl. 11.00.
Fyrilesturin hevur heitið “Vistfrøði hjá stórum másasløgum í útbreiðsluøki í týska Norðsjóvarøkinum”.
Fróðskaparsetur Føroya og Føroya Fuglafrøðifelag skipa fyri fyrilestrinum. Fyrilesturin verður á enskum.
Øll eru vælkomin.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...