Gestur Hovgaard við nýggjari altjóða útgávu

Arbeiðið við at menna útbúgvingar, ið eru tillagaðar tær treytir, føroyska samfelagið hevur, er nú eisini altjóða viðurkent við grein hjá Gesti í tíðarritinum “Higher Education. The International Journal of Higher Education Research”.

Heitið á greinini er "Master learning: a way to manage tertiary education in small island jurisdictions".

Í greinini viðger Gestur tær avbjóðingar, smásamfeløg hava við at planleggja og menna hægri útbúgvingar, og hann kemur eisini við uppskoti um, hvussu hesar avbjóðingar kunnu loysast. Hesi uppskot byggja millum annað á tær royndir, sum gjørdar verða á Søgu- og samfelagsdeildini, har Masterlæran varð sett á skinnarar í august mánaði í ár. Talan er um masterútbúgving innan søgu- og samfelagsvísindi, sum byggir víðari á verandi útbúgvingar á bachelorstøði innan somu vísindi.

Áhugin fyri útbúgvingini hevur verið stórur, og í løtuni eru 15 lesandi við at leggja seinastu hond at fyrstu lestrarhálvuna í Masterlæruni.

Nærri kunning um Masterlæruna her

Tak niður og les grein um Masterútbúgvingina úr Sosialinum

Tak niður og hoyr innslag um Masterútbúgvingina í GMF í Kringvarpinum

Leinki til greinina í Higher Education finst her