![](https://setur.cdn.fo/savn/3021/foroyabanki.jpg?width=624&height=350&rmode=crop&s=YJG1BbKlXRBENdLLkYLY2yLW0Cs)
Glýsufiskurin á Føroyabanka
Grein um glýsufiskin á Føroyabanka í altjóða vísindatíðarritinum "Marine Biology Research". Annar høvundurin er granskari á Náttúruvísindadeildini.
Greinin viðger grundleggjandi lívfrøðina hjá glýsufiski, sum við Føroyar so at siga bara finst á Føroyabanka. Glýsufiskurin livir á smáum torvum á 15 til 200 m dýpi á landgrunnum eystaru megin í Norðuratlantshavi; frá Marrokko í suðuri, norður til Tróndheimsfjørin. Í útnyrðing er Føroyar markið.
Av tí, at glýsufiskur er ein lítil fiskur, einans einar 20 cm til longdar, verður hann um okkara leiðir ikki fiskaður til matna, men fert tú á fiskamarknaðir í onkrum av Miðalhavslondunum, finnur tú hann sum oftast.
Í greinini verður millum annað hugt at útbreiðslumynstrinum hjá glýsufiski á Føroyabanka, hvussu hann veksur, nær hann gerst kynsbúgvin og hvat hann etur. Greinin ber heitið ”Ecology of poor cod (Trisopterus minutus) on the Faroe Bank”, og er skrivað av Eyðfinni Magnussen og Maritu Magnussen.
![](/fileadmin/user_upload/news/Glysa_utbreidsl.jpg)
![](/fileadmin/user_upload/news/GlysFisk.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...