![](https://setur.cdn.fo/savn/3039/beijing_2009b.png?width=624&height=350&rmode=crop&bgcolor=fff&format=jpg&s=UPnT-53SH4hVOvVsAWY92KXTtho)
GlyVeST framløga í Beijing
Ph.D. lesandi á Náttúruvísindadeildini legði fram seismikk-úrslit frá Glyvursnesi á 'the International Geophysical Conference and Exposition', sum var í Beijing í Kina 24-27 apríl.
Á stóru altjóða ráðstevnuni 'The International Geopysical Conference and Exposition', sum var hildin í kinesiska høvuðsstaðnum Bejing í døgunum 24-27 apríl, var heiti á einum av teimum 200 fyrilestrunum 'Subbasalt seismic processing strategy for the GlyVeST data from the Faroes'. Henda fyrilesturin helt Khanh Duc Nguyen, sum er Ph.D.-lesandi á Náttúruvísindadeildini. Fyrilesturin hevur hann gjørt saman við vegleiðara sínum, Jim Brown, professara í jarðalisfrøði á Náttúrvísindadeildini.
Umleið 1200 luttakarar, harav um 200 útlendingar, vóru á ráðstevnuni, sum var samfíggjað av 'the Chinese Petroleum Society (CPS), ið er kinesiski systurfelagsskapurin hjá okkara heimliga Oljutingi, og the Society of Exploration Geophysicists (SEG). Høvuðsheitini fyri hesa ráðstevnuna vóru jarðalisfrøðiligar avbjóðingar, møguleikar og nýhugsan.
Á ráðstevuni vóru 320 vísindaverk løgd fram, og stóðu útlendingarnir fyri 100 av teimum. 120 av hesum verkum vóru løgd fram á plakatum (postara), meðan 200 vóru løgd fram sum fyrilestrar og teirra millum fyrilesturin um seismikkvirksemi í Føroyum.
Umframt vísindaframløgur so var ein 5000 fermetrar stór høll og 1000 fermetrar uttandura karmur um framsýningar hjá fleiri enn 60 kinesiskum og útlenskum oljufeløgum, tænastufyritøkum, og øðrum fyritøkum við tilknýti til oljuvinnuna. Eisini vóru 4 verkstovur, SEG/ExxonMobil Student Education Program og aðrir fundir hjá SEG.
![](/fileadmin/user_upload/news/Map_after_3c.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...